Nora Istrefi dhe Robert Berisha padyshim kanë qenë një nga çiftet më të preferuara të showbizit shqiptar.

Edhe pse i dhanë fund lidhjes disa vjeçare kohë më parë, mesa duket e ruajnë  ende marrëdhënien miqësore midis tyre.

Prindër edhe të vogëlushes Renee, ata janë komentuar shumë për motivet që i çuan në ndarje.

Përgjithësisht Nora nuk ka folur shumë rreth këtij vendimi dhe nuk ka dhënë pothuajse asnjë deklaratë për këtë gjë.

Së fundmi ajo i ka habitur të gjithë ndjekësit me një veprim të papritur në rrjetet sociale.

Nora ka zgjedhur të publikojë në Instastory këngën më të re të Robertit me titull “Të kam dasht”.

Ky veprim ka ngjallur dyshime të forta, pasi thuhet se është një dedikim i Robertit për Norën.

Në tekstin e këngës bien në sy fjalët “Sa t’kam dasht, të lutem kthehu prapë”.

Ende nuk dihet nëse dyshja po përpiqet të kthehet sërish në krahët e njëri-tjetrit apo do të ngelen sërish miq.

Por kujtojmë se edhe Roberti vetë kur u pyet në një emision televiziv se nëse ndarja ishte përfundimtare apo mund të ketë dhe një rikthim, nuk dha ndonjë përgjigje duke lënë kështu të kuptohet se të gjitha mundësitë janë të hapura.

Nuk na ngelet gjë tjetër vetëm se të presim lajme të reja nga dyshja Robert Berisha dhe Nora Istrefi.