Super grabitje në Gjirokastër, hyjnë në shtëpinë e të moshuarave dhe marrin mijëra euro

Një grabitje ka ndodhur në orët e para të mëngjesit të sotëm në banesën e shtetasit Vasil Basha, në Dropull të Gjirokastërës.

Sipas informacioneve, tre shtetas me maska, doreza dhe armë kanë shqyer derën dhe kanë marrë një valixhe ku në të pretendohet se ishin 15.000 euro.

Në momentin e grabitjes në banesë kanë qënë dy të moshuara të cilat i kanë mbyllur në një dhomë, ndërsa nuk kanë mundur dot që të identifikojnë autorët.

Në vendngjarje kanë shkuar shërbimet e policisë dhe grupi hetimor, dhe po punohet për zbardhjen e rastit.