Skandal/ Drejtori i Shpëtim Idrizit me dorë të rëndë, bën tender 450 milionë lekë për të blerë kuti kartoni

Fakt nga Arkiva e Shtetit/ Kryeministrin nuk po e përfillin më vartësit, apo bën lojëra me ta?/ Pas urdhërit të bablokut; që gjatë muajit dhjetor, të bllokohen festat dhe shpenzimet për blerje “gjingla-mingla” jo emergjente, drejtorët vazhdojnë bëjnë “pazaret” e fund-vitit.

Kryeministri është bërë “kartë e djegur”, apo prej 13 ditësh pas tragjedisë së tërmetit “Dako”; po bënë lojëra me ministrat dhe drejtorët, duke dhënë “urdhra show”, për gjoja bllokim tenderësh e shpenzimesh jo emergjente; sikur gjoja fondet i duhen për të dëmtuarit?

E themi këtë, për faktin se urdhëri i kryeministrit Rama, është hedhur në koshin e plehrave; së pari nga kryebashkiaku bojaxhi Erjon Veliaj, i cili vetëm në 13 ditët pas tërmetit, ka dhënë 2.7 milionë euro tendera, për shërbime që jo vetëm nuk janë emergjente, por janë dhe fiktive.

Por Ramën, nuk e ka përfillur as ministri “sizmiolog e arkitekt”, Sandër Lleshaj, me tenderin 1.8 miliardë lekë marrje makina me qira për policinë “Illyrian Guard; ndërkohë që 4 ditë pas urdhërit; nuk e ka përfillur as Ardit Bido, sekretar i Shpëtim Idrizit dhe Drejtor i Përgjithshëm i Arkivave të Shtetit.

Në datën 6 dhjetor 2019, Drejtoria e Përgjithshme e Arkivave të Shtetit, ka shpallur një tender “emergjent”; me vlerë 40 milionë, 719 mijë e 485 lekë të reja pa TVSH, ose afro 450 milionë lekë me TVSH; për blerje dosje e kuti kartoni, madje ”thesi” i tenderit, do të dorëzohet në datën 30 dhjetor.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Nuk e kemi fjalën, për çmimet e dosjeve dhe kutive të kartonit; që do blihen me çmime 1850 lekë, 2600 lekë e 4000 lekë të reja copa (pa TVSH); por tek fakti, se drejtori Bido, me Shkresë Nr. 7864/6, datë 04.11.2019, ka kërkuar në APP, që ky tender të bëhet urgjent.

Ndërsa kryeministri, që po bredh nëpër botë duke lypur ndihma; thotë se urgjent është strehimi i banorëve, të mbetur në hotele, çadra e kotece pulash, mirëpo ja që “emergjencat” e fundivitit qenkan tenderët e drejtorëve, kryebashkiakëve e ministrave./Pamfleti