“S’dua ta shoh me sy Valbona Sakon” Rama qetëson qytetaren e revoltuar: Mos ja vini re, ishte në stres

Pak pas dorëheqjes së sotme të kryetares së Bashkisë së Durrësit Valbona Sako, kryeministri Edi Rama ka bërë edhe reagimin e parë në lidhje me këtë veprim.

I gjendur në një vizitë në zonën e ish-Kënetës në Durrës,  Rama është përballur me një grua të revoltuar, e cila është shprehur se nuk do ta shohë më me sy Sakon, pas fjalëve që ajo tha se ishte e kënaqur me 50 viktima nga tërmeti.

Menjëherë Rama nuk e ka kursyer përgjigjen e tij.

“Mos ia vini re. Është stres. Ore tani, kryetarja e bashkisë një grua në stres. Ky është goxha zotëri e më shtrëngon dorën, kam frikë thotë.”, u shpreh kryeministri.

Kujtojmë se mbrëmjen e djeshme kryetarja e Bashkisë durrës Valbona Sako deklaroi gjatë një lidhjeje me Top Channel se: “Për hir të së vërtetës duhet ta themi që ky ishte një tërmet i nivelit shkatërrimtar, por që jemi të kënaqur me 50 viktima, sepse në rastet e tjera kanë qenë mbi 1000 viktima”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Këto fjalë ngjallën një reagim tepër të madh në rradhën e qytetarëve, të cilët kërkuan dorëheqjen e saj.

Mëngjesin e sotëm Sako njoftoi dorëheqjen nga posti i kryetares së Bashkisë së Durrësit, një nga qytetet më të prekura nga tërmeti shkatërrimtar 6.4 ballë i 26 nëntorit.