Rama rikujton KÇK dhe paralajmëron ndërtuesit: Nuk do i japim mundësi të shqyejnë ndonjë copë tjetër

Në mbledhjen e jashtëzakonshme që mbajti sot në mëngjes, ashtu si cdo ditë tashmë pas tërmetit të 26 nëntorit, kryeministri Edi Rama paralajmëroi të gjithë ndërtuesit abuzues se dosjet janë të kopsitura tashmë.

Ndër të tjera Rama risolli në vëmendje KÇK, (Kap ça të kapësh) dhe u shpreh se nuk do ta lejojë këtë grup që të shfrytëzojë situatën.

“Policia e Shtetit në bashkëpunim me Prokurorinë po vijon punën dhe do të ketë vënie para përgjegjësisë.  Të gjitha ata që bihen pre e hehaqenëve në klubet mediatike, iu themi se vënia para përgjegjësisë e ndërtuesve do kohë, çështja do të shkojë në gjykatë. Kjo kërkon dokumentim dhe KCK është aty e gatshme të shfrytëzojë këtë situatë për të qenë në lartësinë e motos. Shumë shpejt do të ketë rezultate konkrete. KÇK-së nuk do i japim mundësi të shqyejë ndonjë copë tjetër. Do të bëjmë çmos që të gjitha referimet të jenë të kopsitura, por kjo kërkon pak kohë dhe durim ju që me të drejtë kërkoni gjak.  Në Tiranë janë 3046 ndërtesa të të inspektuara. Në Lezhë janë 55 pallate me dëme të rënda. Për fat të mirë dëmet në blegori janë minimale.”, u shpreh kryeministri në fjalën e tij.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern