Qytetarët në frikë dhe panik, largohen nga Shqipëria, dynden drejt Rinas-it

Tërmeti i 26 nëntorit ku la pas 51 viktima, por edhe tërmetet e tjera më pas kanë krijuar panik dhe frikë tek qytetarët.

Ata po shohin si një zgjidhje largimin nga Shqipëria.

Gazetari i RTSH, Ilir Karabrahimi, ka publikaur sot disa foto ku shihen qindra njerëz që janë dyndur në aeroportin Nënë Tereza në Rinas.

Siç shihet të gjithë qytetarët po largohen nga vendi, pasi prej ditësh mijëra njerëz kanë lënë banesat e tyre në Tiranë e Durrës dhe po jetojnë në qytete të tjera në Jug e në Veri të Shqipërisë.