‘Po ngrini qytetin Stalin po tani u boshatis’ gazetari zë në befasi Spiropalin: Po ju nga i dini këto?

Një debat i fortë ka ndodhur mbrëmjen e djeshme mes gazetarit të njohur Enton Abilekaj dhe ministres për marrëdhëniet me Parlamentin, Elisa Spiropali.

Të ftuar në programin “Open” me drejtuese Eni Vasilin, ata janë përplasur në lidhje me përcaktimin paraprak të fondeve për zhvillimin e projekteve.

“Këtu ka një problem ligjor në radhë të parë që është kjo që është përcaktuar se kush i bën projektet. E dëgjuat fondacionin Fundjavë Ndryshe? Ata do bënin tender ata për të marrë ofertën më të mirë, ndërsa qeveria jonë nuk ka nevojë të bëjë tendera megjithëse e detyron ligji të bëjë tendera. Përveç kësaj këto lagjet janë pak të çuditshme. Këta thonë që do bëjmë lagje model, lagjet model e dimë se kush janë.

Janë lagje elitare në përgjithësi ku jetojnë njërëz ku mund ta përballojnë koston e një jete model. Ata që kanë dalë nga tërmeti nuk e dimë a mund ta përballojnë kostot e një jete model. Kjo ngjan pak me rilindje urbane që ndërton aty sheshe të bukura që nuk përmbahen dhe kthehen në gërmadha pas 2 vjetësh.Lagjet model do të ndërtohen me Casamondin dhe Bohelin ku që këtu rritet kostoja, materialet e ndërtimit”- u shpreh gazetari.

“Po ju nga i dini këto?” ia ktheu ministrja.

“Po na e tha kryeministri. Ju çfarë thatë ju. A thatë se janë lagje model- vijoi debatin Abilekaj.

Nga e keni nxjerrë koston e këtyre lagjeve, sepse ende nuk janë bërë projektet, ende nuk ka kaluar ligji i posaçëm. Ligji i posaçëm i rindërtimit nuk ka kaluar akoma, nga e dini si do jenë procedurat e përzgjedhjes së arkitetëve- iu kundërpërgjigj Spiropali.

“Ore ju mund të bëni edhe qytetin Stalin nga e para se drejt asaj rruge jeni të bëni qytetin Stalin por qyteti Stalin ju boshatis tani”, tha Abilekaj.

Po ç’qytet Stalin, të lutem me këto parulla dhe slogane”, shtoi ndër të tjera Spiropali gjatë debatit.