Padia ndaj Dvoranit, Meta mbërrin në Prokurorinë e Tiranës

Presidenti Ilir Meta ka mbërritur në Prokurorinë e Tiranës, ku do të merret në pyetje në lidhje me padinë që ka ngritur ndaj kreut të KED Ardian Dvorani.

Sipas informacioneve Meta është thirrur nga prokurori i cështjes Alket Mersini.

Nga ana tjetër Ardian Dvorani është shprehur se për të nuk ka patur ndonjë fletë thirrje.

Kujtojmë se përplasja mes Metës dhe Dvoranit nisi për shkak të emërimeve në Gjykatën Kushtetuese, të dy kandidatëve për një pozicion, Arta Vropsi dhe Marsida Xhaferllari.

Meta e akuzoi Dvoranin për veprën penale të “Shpërdorimit të Detyrës”, parashikuar nga neni 248 i Kodit Penal dhe“Përvetësimi i titullit apo i detyrës shtetërore”, parashikuar nga neni 246 i Kodit Penale.