Nis mbledhja e Këshillit Kombëtar të Sigurisë, Rama krah Metës në tryezë

Ka nisur mbledhja e Këshillit Kombëtar të Sigurisë në Presidencë, e thirrur kjo nga kreu i shtetit Ilir Meta.

Në këtë mbledhje kanë mbërritur të gjithë përfaqësuesit një pas një.

Nuk ka munguar as kryeministri Edi Rama, i cili shfaqet krah presidentit Ilir Meta në tryezë.

Pas tij kanë hyrë kryeprokurorja Arta Marku, kryetari i Kuvendit Gramoz Ruci, kreu i Policisë së Shtetit Ardi Veliu dhe të gjithë ministrant.

Pjesë e Këshillit Kombëtar të Sigurisë janë edhe Ministri i Brendshëm Sandër Lleshaj , Ministri i Jashtëm në detyrë Gent Cakaj,  Ministrja e Infrastukturës Belinda Balluku dhe drejtues të komisionit të sigurisë.

Kujtojmë se kjo mbledhje është thirrur nga presidenti Meta pas tërmetit shkatërrimtar 6.4 ballë që goditi Shqipërinë më 26 nëntor.

Më herët kryeministri Edi Rama paraditen e sotme, zhvilloi një mbledhje të jashtëzakonshme me qeverinë.