Osman Murati, ish-ministër në kohën e diktaturës së Enver Hoxhës, ka shkruar në një postim në rrjet se “ Ne jemi akoma në fuqi, do ju shtyrdhim deri në palcë”.
Këto fjalë kanë sjellë dhe reagimin e historianit të njohur Kastriot Dervishi, i cili shkruan se ish-ministri i triskave, gazepllëkut e maskarallëkut të regjimit më kriminal e terrorist në gjithë Lindjen komuniste, duhet falenderuar për sinqeritetin e tij, ndonëse nuk kemi pasur ndonjëherë dyshim se raca e tyre mund të kuptohej apo përshtatej në një rend demokratik.
“Jo më kot i biri që gëzonte pushtetin e babait, kryesonte (pa e pasur detyrë) komisionet “disiplinore” në Ministrinë e Brendshme, vendimmarrja e të cilave ishte krejtësisht e paligjshme. Sot i biri është sërish drejtor në një institucion të sajuar ku nuk bëhet asgjë. Konsekuencat e pushtetit këto janë”, shton Dervishi ndër të tjera.
REAGIMI I HISTORIANIT KASTRIOT DERVISHI
Pushtetin e kemi ne, do ju shtrydhim deri në palcë”
Ish ministri i triskave, gazepllëkut e maskarallëkut të regjimit më kriminal e terrorist në gjithë Lindjen komuniste, duhet falënderuar për sinqeritetin e tij, ndonëse nuk kemi pasur ndonjëherë dyshim se raca e tyre mund të kuptonte apo përshtatej në një rend demokratik.
Prandaj u duhen përvjetorët komunistë dhe historia e falsifikuar komuniste. Por fakti që osmonja e quan veten në pushtet është shumë domethënës.
Jo më kot i biri që gëzonte pushtetin e babait, kryesonte (pa e pasur detyrë) komisionet “disiplinore” në Ministrinë e Brendshme, vendimmarrja e të cilave ishte krejtësisht e paligjshme. Sot i biri është sërish drejtor në një institucion të sajuar ku nuk bëhet asgjë. Konsekuencat e pushtetit këto janë.
