Pas takimit që zhvilloi me kryeministrin Edi Rama dhe kryeministrin e Republikës së Maqedonisë së Veriut, Zoran Zaev, ka reaguar presidenti i Serbisë, Aleksandër Vuçiç.
Në një status në rrjetet sociale, Vuçiç shkruan se gjatë bisedimit janë arritur marrëveshje konkrete. Më tej, ai është shprehur se takimi i radhës do të zhvillohet në Beograd në fund të muajit Janar 2020.
“Marrëveshjet konkrete për bashkëpunimin midis Serbisë, Maqedonisë së Veriut dhe Shqipërisë janë arritur në Tiranë. Takimi i radhës do të jetë në Beograd në fund të janarit, do të jetë një takim historik për shkak të asaj që do të përfundojë deri atëherë – me premiera e Maqedonisë së Veriut dhe Shqipërisë, Zoran Zaev dhe Edi Rama“- shkruan Vuçiç.
Vuçiç erdhi pasditen e sotme në Tiranë bashkë me kryeministrin e Maqedonisë së Veriut, në kuadër të Samitit të Tretë të Minishengenit Ballkanik. Ai u prit me protesta nga Lëvizja Vetëvendosje, të cilët e konsiderojnë një tradhëti këtë nismë.
