Moti i keq/ Bien gurët dhe bllokohet rruga, ky aks është i pakalueshëm për shoferët

Rruga në aksin Librazhd-Elbasan është bllokuar mëngjesin e sotëm për shkak të rënies së gurëve.

Sipas raportimeve masivët e gurëve dhe dherave kanë rënë mbi trasenë e rrugës kombetare Librazhd-Elbasan te “Kthesa e Murrashit”.

Për fat të mirë kjo ka ndodhur në një moment kur nuk ka patur makina që kalonin aty.

Tashmë prej një ore lëvizja po kryhet vetëm në një korsi dhe qarkullimi është vështirësuar.

I gjithë qarku i Elbasanit është përfshirë nga moti i keq këtë fillim jave, faktor ky që ka ndikuar dukshëm dhe në qarkullimin rrugor në disa segmente të rrugës kombëtare.