“Mendon se është shpëtimtari, merr dhe hoxhën me vete” Shehi ‘thumbon’ Ramën dhe Naçin: Me këtë do i dalim Evropës përballë ne?

Dashamir Shehi është një nga zërat më të fortë të opozitës.

Mbrëmjen e djeshme ai ka kritikuar  kryeministrin Edi Rama duke e quajtur sulltan që vjen poshtë e përpjetë Shqipërisë dhe që mendon se është shpëtimtari.

“Situata nuk politizohet. Nuk bëhet për të hipur një person. Kush është ky? Mesia! Ky i ndërton shtëpiat, ky i ngre çadrat, ky i ngroh fëmijët!! Çfarë është ky shtet kështu?! Ky është sulltanat, vetëm injoranca pret që vetëm nga një vjen”, tha Shehi në emisionin “360 Gradë” me Artur Zhejin.

Sipas tij populli hallexhi e mendon Ramën si shpëtimtar ndaj sipas ish-deputetit vjen vërdallë si sultan dhe merr me vete dhe një hoxhë.

“Mos dil te ai popull ai është kaq hallexhi, saqë ai mendon se sikur ti kalojë ai brigadieri i zonës, ai mendon se është shpëtimtari. Një sulltan i vogël që bredh poshtë e përpjetë Shqipërisë, merr dhe një hoxhë me vete. Kjo është Shqipëria e 2020, me këtë do ti dalim përballë Evropës ne? Jo, jemi shumë prapa”, ka thënë Shehi gjatë fjalës së tij.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern