Me ose pa partner, në 2020 Era Rusi dëshiron të bëhet nënë

Në një intervistë  për “Ftesë në 5”, Era Rusi rrëfeu pritshmëritë e vitit 2020, ku midis të tjerash shprehu dëshirën për të patur një fëmijë në krah. Ajo nuk fshehu dëshirën për t’u bërë nënë.

Ajo u shpreh se nuk është e nevojshme që të kesh një partner për të bërë fëmijë, duke lënë të nënkuptohet se edhe vetë është gati të bëhet nënë, edhe pa një mashkull në krah.

“Mendoj që në 2020-n, me unazë apo pa unazë, do doja të kisha një fëmijë… tani kanë ecur aq shumë kohët, sa çdo femër që nuk ka një mashkull të denjë për të, mund të bëjë një fëmijë. Kështu që nuk është e thënë që të kem një unazë për të patur një fëmijë…”, u shpreh Era Rusi.