Biznesmeni i arrestuar, Arbër Çekaj ka padiur penalisht në SPAK oficeren e Policisë Gjyqësore, Migena Haxhinë dhe prokurorin Edvin Kondili.
Në kallëzim pretendohet se ka një akt të falsifikuar në sistemin TIMS në lidhje me hyrje-daljet e Arër Cekajt në sistemin TIMS.
Arbër Çekaj, për të cilin prokuroria kërkon 21 vite burg, e ka quajtur çmenduri të gjithë procesin gjyqësor të ngritur ndaj tij.
Çekaj është shprehur para Gjykatës së Krimeve të Rënda se për vite me radhë ka investuar në biznesin e importit të frutave të bananeve, dhe në asnjë rast nuk do ta çonte dëm mundin e tij duke u marrë me drogë.
Arbër Çekaj, Donaldo Lushaj dhe Armando Pezaku akuzohen për veprat penale “Trafikimi i narkotikeve”, “Grupi i strukturuar kriminal”, “Kryerja e veprave penale nga organizata kriminale dhe grupi i struktuar kriminal”, pas sekuestrimit të 613 kg kokainë në shkurt të 2018-ës.
Avokatët kanë kërkuar prova konkrete në lidhje me implikimin e tyre në ngjarje, pasi pretendohet se nuk janë fajtorë dhe s’kanë lidhje me ngjarjen.
