Në seancën e nesërme në Shqipëri nis diskutimi në parlament i propozimit të qeverisë shqiptare mbi një paketë ligjore anti shpifje e anti fake news në media.
I ftuar në “Tempora” në RTV Ora e Raffaele Lorusso, Sekretar i Përgjithshëm i Federatës Kombëtare Media Italiane është shprehur askush që mohon lirinë e medias dhe të shprehjes nuk mund të futet në Europë.
“Ne e bëjmë tonin apelin e kolegëve tanë shqiptarë pasi mendojmë se ky propozim ligjor që ka si qëllim t’i mbyll gojën medias e që i ndalon gazetarët të bëjnë punën e tyre, e kryesisht që i ndalon të bëjnë investigime, të bëjnë pyetje jo komode. Mendojmë se me pretekstin e fake neës, pra për ta luftuar fake neës, i lihet dorë e lirë këtij autoriteti publik, që në të vërtetë është emëruar nga qeveria, për të mbyllur portalet online e për t’i detyruar të heshtin. Qëllimi është pikërisht ky, të detyrojnë të heshtin të gjithë gazetarët që nuk janë të linjëzuar e të gjithë mediat që nuk janë të linjëzuara me ta (me qeverinë). Është një normativë e papranueshme, është një normë që bie kundër me deklaratën universale të të drejtave të njeriut, kundër me të drejtën e të gjithë qytetarëve për të qenë të informuar, Për këtë qëllim Federata Kombëtare e Medias Italiane së bashku me Konfederatën Internacionale të gazetarëve, i kërkon institucioneve europiane, këshillit europian ku bën pjesë dhe Shqipëria, por dhe OSBE, që deri në këtë moment ka heshtur të ndërhyjnë, ashtu siç duhet të ndërhyj dhe vetë Bashkimi Europian, duhet të ndërhyjnë dhe qeveritë e vendeve të BE, pasi Shqipëria është një vend që aspiron të hyj në Bashkimin Europian e negociatat për pranimin e saj nuk duhet të jenë vetëm të fushës ekonomike, financiare, o raporte tregtare. Nuk mund të mendohet se mund të hyjë në Europë kush mohon lirinë e shprehjes e lirinë e medias”,- shprehet Lorusso.
