Përveç 51 jetëve të humbura, një nga pasojat më fatale që solli tërmeti i fuqishëm 6.4 ballë që goditi Shqipërinë më 26 nëntor, është dhe dëmtimi i rëndë i banesave.
Janë evakuuar gjithsej 13 mijë persona pasi apartamentet e tyre tashmë janë shpallur të pabanueshme.
Mesa duket ka edhe nga ata që nuk dorëzohen lehtë dhe nuk duan ta pranojnë këtë realitet.
Edhe pse tashmë banesat janë të shkatërruara, ata guxojnë ti nxjerrin në shitje.
Një prej këtyre rasteve shfaqet edhe në këtë video, ku një apartament shitet nga 65 mijë euro, për 55 mijë euro, me justifikimin se tullat kanë luajtur nga vendi.
Ajo që të bën të ‘vësh duart në kokë’ është se pallati është totalisht i dëmtuar dhe banorët janë evakuaar që aty.
Është për tu habitur mënyra se si ky qytetar guxon të vërë në shitje këtë apartament, që rrezikon hapur atë që ‘kërkon’ ta blejë, edhe pse numri i personave që do tentojnë të blejnë këtë apartament me siguri do të jetë 0.
