LIGJET E BIZNESIT
Në mbledhjen e dytë të Komitetit të Rindërtimit ka qenë e pranishme edhe inxhinieria Luljeta Bozo.
Në fjalën e saj, Bozo ka bërë propozimin që për ndertimin e banesave, të mos kontribuojë vetëm qeveria por edhe qytetarët.
“Duhet ndarë për ndërtimin e banesave të reja, a do paguajë qeveria apo individi? Unë mendoj që duhet të paguajë një pjesë edhe individi. Kush të tha ta bësh shtëpinë pa themel, pa kollona. Bën katin e parë dhe bën të dytin. Pa teknik. Nuk po them gjë për inxhiner po një teknik se janë bërë të gjithë ndërtues,”-tha ndër të tjera inxhinerja.
Përgjigjen për propozimin e saj, Bozo e ka marrë nga kryeministri Edi Rama, i cili tha se kësaj here qeveria do të paguajë për dëmet, por ky do të jetë rasti i fundit.
“Mesazhi do shkojë qartë. Nuk do të rimbursojmë më dëme që janë rezultat i fatkeqsive natyrore. Të gjitha banesat të sigurohen. Kush e ka të pasiguruar të marrë përsipër. Kur është puna për të përfituar individi përfiton sa të mundet, kur është puna për të paguar…,”-shtoi Rama.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
