Ilir Meta pret në Presidencë Alexi Soros, zbardhet se për çfarë është diskutuar

Mbrëmjen e sotme Presidenti i Shqipërisë, Ilir Meta ka takuar në Presidencë Zëvendëspresidentin e Fondacionit “Shoqëria e Hapur”, zAleksandër Soros dhe Drejtorin Ekzekutiv të zyrës së Fondacionit në Shqipëri, Andi Dobrushi.

Lajmin e ka bërë të ditur zëdhënësi, Tedi Blushi i cili shkruan se Meta i njohu me shqetësimet e tij, për përpjekjet e qeverisë për kapjen e institucioneve të drejtësisë, e sidomos të Gjykatës Kushtetuese si dhe për paketën anti-shpifje.

“Presidenti i Republikës Sh.T.Z Ilir Meta priti në një takim me kërkesë të tyre Zëvendëspresidentin e Fondacionit “Shoqëria e Hapur”, z.Aleksandër Soros dhe Drejtorin Ekzekutiv të zyrës së Fondacionit në Shqipëri, z.Andi Dobrushi.

Presidenti Meta i njohu me shqetësimet e Tij, të bëra edhe publike, për përpjekjet e qeverisë për kapjen e institucioneve të drejtësisë, e sidomos të Gjykatës Kushtetuese, për përkeqësimin e lirisë së medias, si dhe për domosdoshmërinë e gjallërimit të shoqërisë civile në mbrojtje të vlerave demokratike dhe të drejtave të njeriut”, shkruan Blushi.