LIGJET E BIZNESIT
Kryeministri Edi Rama nuk i ka ulur për asnjë moment tonet e larta dhe të ashpra të zërit kundër gazetarëve.
Ai ka shtuar se gratë dhe vajzat trajtohen në media si prostituta dhe shërbëtorët e shtetit si të korruptuar.
Gjithashtu gjatë fjalës së tij, Rama ka folur edhe me emra, nga gazetari Artur Zheji e pedagogu i gazetarisë Mark Marku.
“Gra dhe vajza që hidhen në tezgat e tyre si prostituta. Shërbëtorë të shtetit që bëhen hajduta tek këta, që kontestojnë kur japin opinone. Kjo nuk është liri shprehje, për të treguar qindra pallatet e mija në offshore, qindra pallatet e mija në Spanjë. Dhe të tjera e të tjera fjalë që duan të më demaskojnë mua.
Deri këtu shkon, sepse shkoi, efekti negativ i fjalëve të lëshuara pa asnjë përgjegjësi. Liria e fjalës, liria për të thënë cfarë të duash, është dhe përgjegjësi jo vetëm e drejtë”, tha kryeministri.
“Shikoni atë Peci Vasilin (Petrit Vasili) që iu bashkohet, në 7 fjalë 6 i ka sharje.
Peci Vasili është hero i fjalës së lirë. Artu Zheji e bëri vajzën tonë dashnore të ministrit e tani thotë do largohem nga Shqipëria po u bë ky ligj, shpifje e ulët, kjo nuk është për mua. Unë me këta mbijetoj dhe njëmijë vjet të tjera por kjo është për shoqërinë për të lehtësuar gjithë atë koncentrat helmi që këta hedhin në gjakun e shoqërisë. Një tjetër horror është Mark Marku, që jo më larg se dje pashë një reflektim të gjithë portaleve, nuk la fjalë të ndyrë pa i thënë një deputeti duke i thënë do të thyej kokën me shishe, ky është profesori i letrave, që duhet markuar me pullë të kuqe”, theksoi kryeministri.
