Ditën e djeshme, aktori i njohur i humorit Gëzim Kruja ka festuar ditëlindjen e tij të 80-të, e cila e ka gjetur me probleme shëndetësore.
Në këtë ditë të veçantë, Kruja është vizituar nga miku i tij, aktori Zef Deda, i cili i ka dërguar edhe një tufë me lule. Gazetari e ka pyetur Krujën nëse ishte vizituar nga ndonjë përfaqësues shteti.
Në emër të tij është përgjigjur Zef Deda, i cili me nota humori është shprehur se të gjithë e kujtojnë humorin e tij dhe duan ta shohin në skenë, por askush nuk është interesuar për të.
