Këto ditë prag fundviti temperaturat kanë ardhur duke u ulur, por ndërkohë që në Tiranë dhe në zonat e ulta së fundmi moti ka qenë i qëndrueshëm, madje pjesa më e madhe e ditës me diell, në zonat malore nga ana tjetër kanë nisur reshjet e dëborës.
Kështu, në Korçë raportohet se reshjet e dëborës kanë nisur gjatë orëve të mesditës ndërsa instesiteti i tyre është realativisht i ulët.
Deri më tani nuk paraqiten probleme për qarkullimin e mjeteve në këtë Qark. Po ashtu, edhe në Qarkun e Elbasanit kanë nisur reshjet e dëborës ku edhe aty nuk është konstatuar të ketë shkaktuar ndonjë pengesë për lëvizjen e mjeteve.
Zonat ku kanë nisur reshjet në Elbasan janë: Sopot, Gaferr, Stravaj, Rrajcë Skënderbe, Rrajcë Bardhaj, Stebleve, Fush Studen, Gurakuq, Lunik.
