LIGJET E BIZNESIT
Një incident i rëndë ka bërë që të paktën 15 persona të humbin jetën, pasi aeroplani i kompanisë kazake, Bek Air, është rrëzuar sot me 95 pasagjerë dhe pesë anëtarë të bordit.
Aeroplani është nisur sot nga aeroporti i Almatit në Kazakistan.
Mediat e huaja raportojnë se janë shpëtuar dy foshnje mes 49 të mbijetuarve nga ky incident me bilanc tragjik.
The Sun shkruan se viktimat dërguan mesazhe “SOS” përmes mediave sociale, pasi avioni u përplas me një ndërtesë dy katëshe.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Tetë fëmijë të plagosur u shpëtuan nga aeroplani dhe i janë nënshtruar ndërhyrjeve kirurgjikale.
Autoritetet e Aviacionit Civil bënë të ditur se aeroplani “nuk ka arritur lartësinë e duhur gjatë nisjes dhe është përplasur me një ndërtesë betoni”.
Kompania Bek Air funksionon me flotën e aeroplanëve, Fokker. Komiteti Shtetëror i Aviacionit ka deklaruar se do të pezullojë të gjitha fluturimet me këtë lloj aeroplani, derisa të kryhen hetimet e plota.
Të dhënat tregojnë se aeroplani i përfshirë në incident, Fokker-100, eshte perdorur për rreth 24 vjete.
Kompania që ka prodhuar këtë lloj aeroplani, ka shpallur falimentin më 1996 dhe prodhimi i këtyre aeroplanëve është ndalur më 1997.
