LIGJET E BIZNESIT
Një 39-vjeçar, i cili vuante dënimin në burgun e Beratit, është gjetur i vetëvarur në qeli. Ngjarja ka ndodhur natën e Krishtlindjes, por është bërë publike vetëm tani pasi autoritetet e kanë mbajtur të fshehtë.
Sipas informacioneve, bëhet fjalë për shtetasin Blerim Protoduari nga fshati Poshnje në Urë Vajgurore, i cili është gjetur i varur me kabllin e televizorit.
Ai kishte 7 muaj i burgosur për veprën penale “Dhunë në familje”. Këtë ngjarje e denoncoi ish-kryeministri Sali Berisha në datën 26 dhjetor, ku sipas postimit të tij, 39-vjeçari vuante nga depresioni.
Sipas ish-kryeministrit, ngarja ka ndodhur në orën 19:30, ndërsa thuhet se Protoduari mbahej në burg sepse i kërkonin 500 mijë lekë.
“Vari veten në burg! Të semurin mendor e lë në burg pa ilaçe dhe i kerkojnë 500 mijë lekë. Ai dje vari veten! Krim. Lexoni denoncimin e qytetarit dixhital! Sb.
Doktor, përshëndetje! Dje rreth orës 19 e 30 të mbremjes në burgun e Beratit ka ndodhur një vetëvarje. Ky person vuante nga sëmundja mendore dhe e mbanin në burg se i kërkonin 500 mijë lekë të vjetra.
Në pamundësi ekonomike, arriti në vetëflijim. As ilaçet nuk i jepnin të lutem. Djali që u vetvar quhet Blerim Protoduari. I poshtëruar nga Rilindja. Vetëm se e dinë të gjithë që këta janë demokratë. Denoncoje këtë rast ekstrem?”, shkruhej në postimin e Sali Berishës.
