“Duan të nënshtrojnë Kosovën, nuk duam izolim rajonal”, Haradinaj nuk heq dorë nga refuzimi i Mini-Shengenit

Kryeministri në detyrë i Kosovës, Ramush Haradinaj ka reaguar sërish për takimin e liderëve të Ballkanit për Mini-Shengenin e mbajtur të shtunën në Tiranë. Në një pritje për festat e fundvitit, ai ka përfituar nga rasti për të kundërshtuar edhe një herë samitin ballkanik.

Sipas Haradinajt, përmes këtij minishengeni Kosova izolohet, ndërsa shtoi se shteti kosovar është i drejtuar drejt BE dhe NATO dhe jo drejt Rusisë.

“Tentativat për minishengen dhe reciprocitet bëhen për të hequr taksën dhe nënshtruar Kosovën. Orientimi i Kosovës është drejt BE-së e jo drejt izolimit rajonal. Drejt NATO-s e jo Rusisë”, ka deklaruar Ramush Haradinaj.