Ditë e madhe për drejtësinë, sot zgjidhet Kryeprokurori i ri

Ditën e sotme Kuvendi do të zhvillojë seancën plenare të rradhës.

Rendi i ditës ka në fokus çështjen e zgjedhjes së Prokurorit të ri të Përgjithshëm të Shqipërisë.

Këshilli i Lartë i Prokurorisë (KLP) dorëzoi më 14 nëntor, renditjen përfundimtare të 3 kandidatëve në garë, Fatjona Memçaj, Arta Marku dhe Olsian Çela.

I pari në listë është Olsian Çela, i pasuar nga Arta Marku dhe më pas Fatjona Memçaj.

Renditja është bërë nga KLP.

Ashtu si e parashikon dhe ligji, emërimi i kreut të ri të Prokurorisë do të bëhet me 84 vota.

Kjo do të thotë se mazhorancës i nevojiten dhe votat e opozitës për të zgjedhur emrin më të ri që do të udhëheqë organin qëndror të akuzës për vitet në vazhdim.