Digjen 12 apartamente në Pogradec, njëri prej tyre në pronësi të ish-zyrtares së lartë

Ditën e sotme kati i pestë i një pallati te vjetër në qytetin e Pogradecit është shkrumbuar nga flaket, ndërsa mësohet se ky është një kat shtesë ndërtuar nga ish kryebashkiakja e këtij qyteti para vitit 2000.

Zjarri ka zbritur deri në katin e katërt duke dëmtuar rëndë banesat. Ndërsa banorët aty raportojnë se ka patur edhe shpërthime bombolash gazi që e bënin të pamundur ndërhyrjen. Mësohet se zjarrëfiksja ka mbërritur me vonesë dhe e ka patur të vështirë të hyjë në zonë pasi rrugët janë të nguhta për shkak të ndërtimeve. Sapo kanë nisur flakët, banorët e pallatit janë larguar menjëherë jashtë për të shpëtuar.

Janë 6 familje të cilat tashmë kanë mbetur në qiell të hapur pas shkrumbimit të pallatit nga flakët. Nga bashkia e Pogradecit thuhet se është ofruar strehimi ndaj tyre, por familjet nuk kanë pranuar pasi do të strehohen tek të afërmit e tyre. Pritet që shtabi i emergjencave të nis punën për vlerësimin e dëmeve

Mësohet se të paktën 12 apartamente janë prekur nga zjarri ndërsa ende nuk ka një raport paraprak të dëmeve që janë shkaktuar dhe sa prej tyre i kanë shpëtuar shkatërrimit të plotë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern