LIGJET E BIZNESIT
Një konflikt ka degjeneruar me përdorimin e armëve në Texas pasi një klient ka shprehur pakënaqësinë e tij ndaj berberit për prerjen e flokëve të të birit.
Një burrë në Texas është shpallur në kërkim nga policia pasi ka hapur zjarr duke qëlluar plot tre herë ndaj një berberi në dyqanin “Harris Country”.
Adoleshenti u kthye në shtëpi pasi kishte prerë flokët. Prerja nuk i pëlqeu babait të djalit, i cili mori të birin dhe u kthyen sërish bashkë në dyqan. Babai i djalit dhe berberi nisën të debatonin por nuk po e gjenin gjuhën e përbashkët. Më pas, i ati i 13-vjeçarit, e qëlloi atë tre herë, në stomak, këmbë dhe në krah shkruajnë mediat e huaja.
Ngjarja ndodhi më 21 dhjetor. Gjithë skena u pa nga djali adoleshent, i cili qëndronte në makinën e të atit, jashtë dyqanit. Berberi, emri i të cilit nuk u bë i ditur, u dërgua me urgjencë në spital. Ai u vendos menjëherë nën kujdesin mjekësor dhe për fat të mirë nuk pësoi dëmtime të mëdha. Teksa babai i djalit u shpall në kërkim, berberi ndodhet jashtë rrezikut për jetën.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
