Një lajm i hidhur vjen sot për të gjithë dashamirësit e kinematografisë shqiptare.
Mësohet se është ndarë nga jeta aktorja Mira Minga Jupi, e cila bëri për vete publikun me rolin e ”Kotes” te filmi “Përrallë nga e kaluara”.
Lajmin e ka bërë të ditur mikja e saj Shegushe Bebeti, ku ka shkruar dhe një mesazh për ndarjen nga jeta të aktores që do i mungojë skenës.
Mira Minga Jupi ishte dhe aktore te Teatri i Kukullave, aq e dashur edhe për fëmijët.
Gjithashtu ajo ka luajtur për herë të parë dhe rolin e “Pinokut”.
Për fat të keq, aktores nuk do i jepet lamtumira në atdhe, pasi ajo ndodhet prej vitesh në Shtetet e Bashkuara të Amerikës.
“Mira e talentuar, aq bujare, aq punëtore e zemërbardhë, u largua në Amerikë para 19 vitesh e sot largohet nga jeta por ne nuk kemi mundësi t’i japim lamtumirën e fundit”, shkruan Shegushe Bebeti.
