“Ata janë në qiell, por unë i dua këtu”, 6-vjeçarja e familjes Greku prek me fjalët e saj

Kryeministri Edi Rama ka vizituar familjen Greku, e cila është strehur në banesën e saj të re. Gjatë vizitës në banesën e tyre, Rama ka biseduar me vajzën e vogël të familjes.

6-vjeçarja  rrëfeu se ishte tronditur kur mori vesh çfarë kishte ndodhur dhe se i donte gjyshërit pranë saj.

PJESË NGA BISEDA:

Vajza: Unë u trondita shumë kur mora vesh për tërmetin. Për nënën dhe gjyshin që nuk i kam më.

I ati: Si të ka thënë babi ty?

Vajza: Janë lart në qiell. I mban Zoti. Po unë i dua këtu

Rama: Do vijnë në ëndërr

Vajza: I kam parë 100 herë po unë i dua këtu.

Në tërmetin e 26 nëntorit, familja Greku mbeti nën rrënojat e pallatit në Thumanë. Humbën jetën Pëllumb, Çelike dhe Sajmir Greku. Të vetmit që shpëtuan ishte djali i madh i familjes, i cili ndodhej në Francë dhe gruaja e Saimir, që kishte shkuar bashkë me vajzën për vizitë tek prindërit.