Alketa Vejsiut nuk i ndahet shpirti nga festivali: Do publikoj gjithçka ka ndodhur në prapaskenë

Një nga emrat më të lakuar së fundmi është ai i moderatores Alketa Vejsiu, e cila është vënë në qendër të vëmendjes pas përfundimit të edicionit të 58 të Festivalit të Këngës në RTSH.

Për herë të parë si prezantuese, ajo pati edhe shumë kritika për mënyrën e drejtimit të programit, megjithatë kjo gjë nuk e ka ndaluar që të shprehë haptazi mendimin e saj, ku nuk ishte aspak dakord me pikët e ulëta që juria shqiptare i dha Elvana Gjatës.

Së fundmi ajo ka bërë dhe një njoftim në rrjetet sociale ku shkruan se do të publikojë së shpejti gjithçka që ka ndodhur në prapaskenat e festivalit në kanalin e saj në Youtube.

“Jam produkt i skuadres sime qe kujdeset me aq shume dashuri! Se shpejti ne Kanalin Tim ne You Tube Alketa Vejsiu Official Docu Fest! Gjithcka ka ndodhur ne prapaskenat e ketij Festivali!”, shkruan Alketa krahas fotos.