Një aksident i rëndë automobilistik ka ndodhur sot në Vlorë.
Mësohet se një makinë ka përplasur një këmbësore në vizat e bardha.
Aksidenti ndodhi në rrugën “Kosova” në lagjen Pavarësia, ku si pasojë e përplasjes 75-vjeçarja ka marrë plagë në pjesën e kokës dhe është dërguar me urgjencë në spital ku është në gjendje kritike për jetën.
Sipas informacioneve paraprake mjeti tip Opel Corsa” me targë VL9030C ka përplasur të moshuarën e cila ka qënë duke kaluar rrugën në vizat e bardha.
Në rrugë janë vënë re gjurmët e frenimit të makinës dhe drejtuesi i mjetit dyshohet të ketë qënë me shpejtësi.
Policia dhe grupi hetimor kanë mbërritur në vendngjarje dhe po hetojnë për zbardhjen e plotë të rrethanave dhe shkaqeve të aksidentit.
