A do të vazhdojë i ftohti ekstrem dhe javën që vjen? Zbuloni parashikimin e motit

Mesa  duket dimri i vërtetë sapo ka trokitur dhe secili nga ne duhet të marrë masat e nevojshme.

Edhe javës që vjen do të ketë rënie drastike temperaturash dhe erë të fortë në të gjithë vendin.

Parashikimi vjen nga Shërbimi Meteorologjik Ushtarak, i cili paralajmëron dhe drejtuesit e automjeteve që do të ketë ngrica nëpër rrugë dhe në pjesën më të madhe të vendit.

Parashikimi:

Java e ardhshme, do të dominohet nga mot i kthjellët me vranësira kalimtare. Përgjatë luginave, do të shfaqet mjegulla lokale në orët e mëngjesit e të mbrëmjes.

Era, përgjithësisht do të ketë drejtim nga verilindja. Përkohësisht gjatë këtyre ditëve, do të fitojë shpejtësi. Zonat me erë më të fortë do të jenë ato bregdetare, lugina e Drinit dhe alpet.

Ndikimi i masave të ftohta, verilindore do të sjellë rënie temperaturash si në tabelë si dhe ngrica në rrugë në një pjesë të madhe të vendit. Ju urojmë një javë të bukur!