LIGJET E BIZNESIT
Redjan Rraja, nipi i deputetit të Partisë Socialiste Rrahman Rraja është arrestuar sot nga policia si i përfshirë në atentatin e së premtes ku mbeti i plagosur prokurori Arjan Ndoja, shoferi i tij Andi Maloku dhe ‘i forti’ i Shijakut Landi Muharremi.
34-vjeçari Rraja mësohet se është zbuluar dhe identifikuar nga gjurmët e ADN-së të mbetura në makinën e dyshuar të autorëve për atentatin në mbikalimin e Shkozetit ku u qëllua mbi makinën ku udhëtonte prokurori i Durrësit Arian Ndoja dhe dy të plagosurit e tjerë.
Burime nga grupi hetimor thanë për gazetaren Klodiana Lala, se ka dyshime që Redjan Rraja të ketë patur rolin e ekzekutorit në atentatin me tre të plagosur ndaj prokurorit Arjan Ndoja.
Sipas informacioneve gjurmët e gjetura në makinën tip Benz Mercedes janë përputhur me shenjat e gishtave të Redjan Rrajës.
Ai rezulton i skeduar më parë nga policia dhe me precedent penal.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Rraja u ndalua në momentin që po tentonte të ikte nga Shqipëria pasi jeta e tij është e ndarë mes vendlindjes dhe Kanadasë.
Ai është me profesion mjek stomatolog dhe më parë është dënuar për prishje provash në lidhje me ngjarjen e tre viteve më parë në zonën e Ish-Bllokut në Tiranë ku mbeti i vrarë në një lokal Elton Ciço.
