Tërmeti prek edhe institucionet arsimore, 24 shkolla të dëmtuara rëndë në Tiranë, Durrës, Krujë dhe Laç

Tërmeti i 26 nëntorit që goditi vendin tonë, përpos jetëve të marra dhe dëmeve të shumta materiale, duket se nuk ka kursyer as institucionet arsimore.

Nga burime jo zyrtare nga Ministria e Arsimit bëhet  me dije se total në Tiranë, Durrës, Krujë dhe Laç janë dëmtuar rëndë 24 shkolla, prej të cilave 8 në kryeqytet. Në total nga këto dëmtime preken 16 mijë nxënës.

Ndërkohë, ende nuk ka një vendim zyrtar për datën e fillimit të mësimit dhe mundësitë ku do të zhvendosen për mësim fëmijët e prekur.