“Si i thua zonjë mamit, o burrë i dheut”, Ardit Gjebrea shpërthen ndaj 24-vjeçarit në ‘Shihemi në Gjyq’

Një pronë e lënë trashëgimi nga gjyshja ka shkaktuar një konflikt të madh në shtëpinë e tyre.

Zonja Etleva pretendon se është pronë e saj, por djali Brikeno nga verifikimet që ka kryer, ka marrë vesh se prona është në emrin e një tjetër zotërie. Situata e krijuar e ka detyruar Brikenon të thërrasë mamanë e tij dhe t’i kërkojë një shpjegim se kush është zotëria, ç’lidhje ka ai me familjen e tyre dhe përse prona për të cilën zonja Etleva pretendon se e ka trashëgimi nga gjyshja është në emrin e tij.

Që në fillim të debatit Brikeno i është drejtuar mamas së tij duke i thërritur “kjo zonja”. Kjo gjë ka revoltuar Arditin duke shpërthyer kundër tij.

“Si i thua zonjë mamit, o burrë i dheut. Sa vjeç je ti?”,- u shpreh moderatori

Pjesë nga debati në emision

Brikeno: Zonja që kam përballë është mamaja ime dhe këtu e kam sjellë për çështje prone. Me thënë të drejtën bëhet fjalë për një shtëpi, që zonja supozohet…

Etleva: Çështë kjo zonja Eni, të kesh çështje prone dhe të të sjellë fëmija…

Eni Çobani: Ta shpjegoi se për çfarë prone bëhet fjalë njëherë.

Brikeno: Të lutem zonjë, ta mbaroj unë përderisa kemi ardhur këtu, sepse kemi goxha kohë në familje që bëjmë debat, atëhere përderisa ne s’po e zgjidhim atje, unë të kam ftuar këtu që të bëjmë debat. Ta mbaroj unë çështjen e pronës dhe pastaj ke të drejtën tënde të më kundërvihesh. Atëhere…

Etleva: Të të sjellë fëmija këtu për një çështje prone, zonja Eni…

Brikeno: Të lutem, të lutem, zonjë ta mbaroj unë pastaj ke pjesën tënde

Ardit Gjebrea: O Brikeno po si i thua mamit zonjë, more burrë i dheut? Sa vjeç je ti?

Brikeno: Unë jam 24!

Ardit Gjebrea: Unë e di që djemtë në moshën tënde e kanë pak bezdi t’i thonë mama, mamasë dhe i thonë plaka apo jo?

Brikeno: Jo, absolutisht, plaka unë nuk e përdor, fjalën plaka me mamanë time.

Ardit Gjebrea: Dhe zonjë që t’i thuash sikur…

Brikeno: Ok, por më duket më e arsyeshme sepse sa t’i them plaka, më mirë i them zonjë ose mama, por për momentin më erdhi fjala zonjë këtu.

Ardit Gjebrea: Ti je i fejuar?

Brikeno: Jo, jam beqar!

Ardit Gjebrea: Nuk është se ke turp nga e fejuara, që t’i thuash mama?

Brikeno: Jo, jo absolutisht!

Ardit Gjebrea: Më mirë mama apo zonjë?

Brikeno: Më mirë mama!

Ardit Gjebrea: Atëherë thuaji mama, hiqe atë zonjë.