LIGJET E BIZNESIT
Gjatë prezantimit të sotëm të Paketës Speciale Anti-KCK në ambientet e Ar-Turbinës, kryeministri Edi Rama është ndalur edhe te udhëtimet luksoze të politikanëve, kryesisht në avion.
Një ndjekës në rrjetet sociale i krahasoi këto udhëtime me rrogat e shqiptarëve.
Ai u shpreh se shqiptarët punojnë për 300 mijë lekë rrogë si skllevër ndërsa gruaja e Lulzim Bashës, Aurela udhëton në klasin business me këmbë përpjetë.
Ndër të tjera komentuesi që bëri pyetjen ironizoi dhe kryetaren e LSI Monika Kryemadhi duke shkruar se politikanët vinë nga Amerika në Shqipëri dhe mbushin trastat edhe kjo bëhet me “këmbë përpjetë”.
Rama u përgjigj se qeveria ka marrë vendim që mos udhëtojë me business class, me përjashtim të disa rasteve, ku nuk harroi të përmendte dhe problemet që ka vetë më shtyllën kurrizorë.
“Qeveria jonë e ka marrë këtë vendim që në ditën e parë, nuk udhëton në buziness class, me përjashtim të rasteve kur unë nuk duhet të përfundoj i paketuar me gjithë shtyllën time kurrizore që është bërë tashmë problem publik,”- u shpreh Rama.
