Shpërthimi i fuqishëm që tronditi Fierin, policia arreston pronarin e pikës së gazit (EMRI)

Pas shpërthimit të fuqishëm në pikën e gazit që ndodhi dje në Fier, policia ka vënë në pranga pronarin.

Sipas informacioneve biznesmeni i arrestuar është 62-vjeçari Sokol Meçe.

Ngjarja ndodhi dje në mëngjes në Portëz të Fierit dhe nuk pati të lënduar por vetëm dëme të mëdha materiale.

Shkak për këtë shpërthim mendohet se është bërë një shkëndijë elektrike gjatë mbushjes së një bombole gazi.

NJOFTIMI ZYRTAR I POLICISE

Specialistët për Hetimin e Krimeve në Komisariatin e Policisë Fier arrestuan shtetasin:

• S.M., 62 vjeç, banues në Fier.

Arrestimi i këtij shtetasi u bë pasi në pikën e furnizimit me gaz të automjeteve në fshatin Portëz, në pronësi të këtij shtetasi, ka rënë zjarrë dhe si pasojë ka pasur shpërthim, ku janë dëmtuar banesa e godina përreth.

Materialet i kaluan Prokurorisë Pranë Gjykatës së Shkallës së parë Fier, për veprime të mëtejshme për veprën penale “Shkelje e rregullave mbi lëndët plasëse djegëse dhe radiokative” dhe “Shkelja e rregullave të mbrojtjes në punë” e mbetur në tentativë.