Prej gati dy javësh kryetari i Partisë Demokratike Lulzim Basha po zhvillon nismën “Rrugëtimi për Shqipërinë”.
Deri më tani kryedemokrati ka mbajtur takime me të rinjtë në pesë qytete të Shqipërisë.
Ditën e sotme mësohet se kësaj nisme do t’i bashkohen bizneset prodhuese dhe sipërmarrja.
Këtë lajm e ka bërë të ditur vetë Basha, i cili shkruan në rrjetet sociale se sot në orën 11.00 do të zhvillojë një bashkëbisedim me bizneset në autostradën Tiranë-Durrës.
“”Rrugëtimit për Shqipërinë” i bashkohen sot bizneset prodhuese dhe sipërmarrja
Ju ftoj të më ndiqni pas pak, në orën 11:00, në një bashkëbisedim me bizneset e autostradës Tiranë-Durrës.”, shkruan kreu i PD.
