LIGJET E BIZNESIT
E teksa numri i viktimave vazhdon të rritet dhe të tjerë ndodhen ende nën rrënoja, Inspektorati Shtetëror Teknik Industrial ka vendosur të marrë masa që të shmanget një tragjedi tjetër nga shpërthimi i bombulave të gazit pas tërmetit. Sipas njoftimit të ISHTI, deri tani janë hequr 6 depozita të mëdha gazi në hotelet që janë dëmtuar më shumë nga tërmetet në Durrës.
Më konkretisht, depozitat e gazit janë hequr tek hotelet “Vila Verde”, “Lubjana”, “Tropikal”, “Mia Mar”, “Reom” dhe tek karburant “Gega”.
“Në zbatim të urdhrit të brendshëm të kryeinspektorit, strukturat e Inspektoratit Shtetëror Teknik dhe Industrial (ISHTI), duke bashkërenduar aksionin edhe me Shtabin e Emergjencave Civile, kanë ushtruar kontrolle në të gjitha subjektet e dëmtuara gjatë tërmetit në zonën e Durrësit, me qëllim heqjen e depozitave qendrore të gazit në subjektet me impiante qendrore të GLN.
Nga ana e grupeve të ISHTI janë hequr 6 depozita të mëdha, konkretisht në subjektet: Vila Verde; Hotel Lubjana; Hotel Tropikal; Karburant Gega “plazh”; Hotel Mia Mar; Restorant Reom në Manzë Durrës. Kontrollet po vijojnë edhe në zonat e tjera të prekura nga tërmeti”, njoftoi Inspektorati Shtetëror Teknik Industrial.
Deri tani burimet raportojnë për 18 viktima nga tërmeti, mbi 600 të plagosur, ndërsa ka ende të tjerë që ndodhen nën rrënoja dhe po punohet për nxjerrjen e tyre. Që prej orëve të mëngjesit banorët janë në panik sepse goditja nga tërmetet ka vijuar gjatë gjithë ditës. Goditja e fundit u regjistrua rreth orës 14:00 me magnitudë 5 ballë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
