Nga Mbape tek Grizman, ja kush janë “gjelat” francezë që do të zbresin në “Arena Kombëtare”

Teksa na ndajnë shumë pak ditë nga ndeshja e shumëpritur Shqipëri-Francë, Deshamp bën me dije emrat që do të zbresin në stadiumin shqiptar.

Kilië Mbape, Antuan Grizman, Kingslei Koman, Kante, Varan e Mandanda, janë vetëm disa prej futbollistëve më të mirë të momentit, nga sulmi në portë, teksa për francezët mungojnë vetëm portieri Lori dhe mesfushori Pogba, të dy të dëmtuar.

Deshamp ka publikuar listën për ndeshjen kualifikuese ndaj Moldavisë më 14 nëntor në “Stade de France” si dhe më 17 nëntor në Tiranë, duke certifikuar në njëfarë mënyre edhe vendin ku do të luhet ndeshja e fundit kualifikuese e grupit.