LIGJET E BIZNESIT
Një histori shumë e rrallë edhe e pa dëgjuar më parë është ajo që u rrëfye ditën e djeshme nga një çift i njohur i ekranit.
Bëhet fjalë për gazetaren e kronikës Anduena Llabanin dhe ish-bashkëshortin e saj Ardit Jaupi.
Edhe pse të divorcuar tashmë prej 3 vitesh dhe së bashku kanë një djalë, Aleksein, ata kanë vendosur të hapin së bashku një biznes.
Ky fakt i ka habitur të gjithë sepse zakonisht ndodh që pasi çiftet ndahen, në më të shumtën e rasteve nuk flasin më.
Por mesa duket nuk është ky rasti i Anduenës dhe ish-bashkëshortit të saj.
Ajo ka rrëfyer në programin “Rudina” në TV Klan se së bashku me ish-bashkëshortin po mendojnë të hapin një biznes ku të mblidhen vetë ose bashkë me familjet e tyre.
“Çdo njeri në jetë vjen për të na mësuar diçka. Ka shumë gjëra që unë mësoj nga Arditi dhe shumë gjëra që Arditi mëson nga unë. Mendoj që asnjëherë njeriu nuk duhet të jetë egoist për të parë deri ku shkon ai, duhet t’i shikojmë të dy bashkë.
Ne kishim vendosur të ishim bashkë, të bashkëjetonim, vendosëm të ndahemi, por kemi vendosur të jemi partnerë në biznes.
Kjo është një arsye, që ato dreka dhe darkat tona në fundjavë, të mos i kalojmë më jashtë në restorante të ndryshme, por të mblidhemi në restorantin tonë, ku Aleksei ndihet si në një shtëpi të dytë. Aty mblidhemi edhe me familjen tona herë pas here, kjo na bën të jemi më të fortë dhe ta shohim jetën më të gjatë”, u shpreh gazetarja në studio.
