Ndodh çudia në mes të Fierit: Koshat e rinj në turqisht, qytetarët duhet të mësojnë gjuhën për të ndarë plehrat (FOTO)

Jo rrallë ndodh që në Shqipëri përballesh me fenomene nga më të çuditshmet nëpër qytete të ndryshme.

Mjafton të bësh një xhiro diku dhe syri dallon lehtësisht gjëra të pazakonta.

Një gjë e tillë ka ndodhur edhe në Fier me koshat e rinj të mbeturinave që janë vendosur në qytet.

Ashtu siç shihet edhe nga fotot e publikuara nga emisioni “Stop”, këto kosha janë në gjuhën turke.

Tashmë qytetarëve, siç thuhet në gjuhën popullore iu është ‘hapur punë’ pasi për të bërë ndarjen e mbeturinave, një stil tashmë europian ky, duhet të mësojnë edhe gjuhën turke.

Por kjo gjë nuk duket dhe aq e pamundur në fund të fundit pas të gjitha gjërave që jemi mësuar, mjafton dëshira e mirë apo jo?