“Mirë se u ktheve Kampion” mesazhi i babait të Alvinit për të birin do ju prekë zemrat (FOTO)

Alvin Berisha është vogëlushi shqiptar i cili u ribashkua me familjen pas 5 vitesh qëndrimi në kampin Al-Hol në Siri.

11-vjeçari mbërriti pardje në Romë ku takoi i emocionuar dy motrat dhe babain e tij Afrim Berisha.

Babai e ka pritur me aq emocion dhe padurim të birin sa nuk ka hezituar ta tregojë dashurinë e tij me të gjitha format, madje duke blerë dhe një tortë mirëseardhjeje.

Në foton e tortës që ka publikuar në rrjetet sociale shihet edhe mbishkrimi në tortë “Mirë se u ktheve kampion”.

Kujtojmë se vogëlushi shqiptar mbërriti nga Beiruti i Libanit për në aeroportin e Romës dy ditë më parë rreth orës 07:00 të mëngjesit.

Ai takoi aty në mes emocionesh dhe lotësh dy motrat dhe babain të cilët e kanë pritur Alvinin me mjaft padurim dhe ankth.

Çështja e 11-vjeçarit ngriti në këmbë mbarë opinionin publik, të cilët u prekën së tepërmi nga rreziku që i kanosej vogëlushit nga qëndrimi në kamp.