Meta e emëroi anëtar të Gjykatës Kushtetuese, Vettingu ‘djeg’ Besnik Muçin

Ditën e sotme Komisioni i Pavarur i Apelimit (KPA) mori vendimin për të shkarkuar nga detyra Besnik Muçin.

Prej vitesh Muçi ka mbajtur detyrën e prokurorit për Krimet e Rënda, ndërsa më 16 tetor ai u dekretua nga presidenti Ilir Meta si anëtar i Gjykatës Kushtetuese.

Sipas konstatimit që bëri trupa gjykuese e KPA Muçi nuk ka arritur të justifikojë dot pasurinë.

Muçi gjykohet në KPA pas ankimimit të Komisionerit Publik që e akuzon për mosjustifikim të pasurisë gjatë viteve 2003-2006 për shumën e 600 mijë lekëve.

Kështu trupi gjykues vendosi sot të rrëzojë vendimin e KPK dhe të shkarkojë nga detyra Besnik Muçin.