Kohët e fundit në media qarkulloi një video ku kampioni kombëtar i boksit Klevis Çelaj nga Vlora shprehej në një intervistë se ka marrë vetëm 14 mijë lekë të reja për këtë titull të cilat nuk i dolën as për të blerë një pale doreza boksi.
Edhe pse është shpallur kampion kombëtar për peshat 50 kg, Çelaj u shpreh se jeton në kushte të vështira ekonomike dhe se i është dashur të punojë që në moshë të vogël për të mbajtur familjen e cila pret ndihmë nga ai.
Në lidhje me këtë fakt ka ardhur dhe reagimi i aktorit të njohur të humorit Rezart Veleshnja.
Ai njihet si një kritik i ashpër i qeverisë Rama, dhe shkruan se iu dhanë 100 mijë euro Francës për djegien e Katedrales Notre Dame, ndërsa për kampionët shqiptarë nuk bëhet asnjë lloj investimi dhe i lënë të vdesin për bukë.
REAGIMI I PLOTE I AKTORIT REZART VELESHNJA
‘Kemi bërë investime rreth 120 milion euro për rrugët por kemi aksidente përsëri, i dhame 100 mijë euro Notre Dam de Paris se u dogj sna hapen as negocjatat, kemi investuar në stadiume por ndeshje sfitojmë skemi lënë ministër pa e bërë me saraje që të jetojnë si pashallarë por kampjonet e sporteve tona do i lëmë të vdesin për bukë, sepse ju s’doni ta kuptoni por ne jemi komunizmi i modernizuar të dashur njerëz! Më vjen keq ku jetoj! Shpresoj ti jepni një zgjidhje këtyre njërzve që janë të ndershëm na bëjnë krenar edhe nuk merren me lëndë narkotike apo me krime te ndryshme! Flm’
