Mëngjesin e sotëm, djali i një gruaje e cila rezulton e zhdukur nën rrënojat e një pallati me disa kate të fundosur afër stadiumit të Durrësit, ka kërkuar ndihmë.
Në një lidhje me programin “7 pa pesë” në Vizion Plus, tepër i shqetësuar ai shprehet se mamaja e tij ndodhet nën rrënoja por askush nga emergjencat civile nuk po përpiqet ta nxjerrë jashtë.
Sipas djalit operacionet janë ndërprerë prej orës 16.00 të ditës së martë.
Ai u shpreh se kishte dëgjuar zëra nga thellësia e rrënojave deri të marten, por më pas për fat të keq asgjë tjetër.
Nga ana tjetër, drejtori Haki Cako deklaroi se ndodhej sot në Thumanë por do të merrej vetë personalisht me këtë rast të rëndë në Durrës.
