Kuvendi rrëzon Metën, votohen 2 anëtaret e reja të Gjykatës Kushtetuese (EMRAT)

Në seancën e sotme parlamentare Kuvendi ka vendosur të miratojë 2 anëtaret e reja të Gjykatës Kushtetuese, Elsa Toska dhe Fjona Papajani, me 105 vota secila.

Gjatë nisjes së votimeve, kreu i parlamentit Gramoz Ruci u shpreh se Arta Vropsi është miratuar automatikisht, pasi Meta nuk u shpreh me dekret brenda afateve.

Mazhoranca pas kësaj ia hoqi të drejtën presidentit për të votuar anëtarin e tretë të Gjykatës Kushtetuese, duke e quajtur të miratuar pa votim.

Ndër të tjera, Ruçi ka njoftuar se Besnik Muçi është anëtar i Kushtetueses, pasi ai është dekretuar nga Meta.

Pra, edhe pse Meta bëri thirrje të mos tejkalohen kompetencat ato ranë në vesh të shurdhët, pasi opozita e re i bashkoi votat me mazhorancën, duke votuar dy anëtarë të rinj të Gjykatës Kushtetuese.

Votimi

Elsa Toska, Anëtare e Gjykatës Kushtetuese

105 pro

2 kundër

9 abstenim

Fjona Papajorgji, Anëtare e Gjykatës Kushtetuese

105 pro

3 kundër

8 abstenim