“Hapi veshët mirë”, Basha paralajmëron uraganin popullor

Kryetari i Partisë Demokratike, Lulzim Basha i është përgjigjur deklaratave të kryeministrit Edi Rama, i cili teksa prezantoi paketën “Anti-KCK” pranoi se viti 2019 ka qenë një vit i vështirë për qeverinë e tij, duke renditur si arsye krizën artificiale politike, të cilën sipas tij e instaloi opozita.

“Përtej konstatimeve të FMN dhe tonave prej vitesh, tani ka ardhur koha për një reagim popullor dhe e vetmja mënyrë për ta ndalur është që të hapim disa vende pune. Fajin e ka opozita, fajin e ka e SHBA, fajin e ka Macron. Vetëm Edi Rama nuk ka faj.Duhet të nxjerrim nga vendet e punës që i kanë okupuar pa të drejtë kryeministrin dhe ministrat e tij. Hap veshët e dëgjoji mirë se mesazhi është i qartë: largimi i kësaj qeverie dhe zgjedhjet e lira e të ndershme, është ilaçi për këtë krizë”-tha mes tjerash Basha.