Emërimi i dy anëtareve të Gjykatës Kushtetuese, reagon Ambasada amerikane: Votimi çon para Shqipërinë

Mazhoranca dhe opozita e re bashkuan sot votat në Parlament për të zgjedhur 4 anëtarët e rinj të Gjykatës Kushtetuese. Parlamenti i mori kompetencën Presidentit Meta, duke quajtur të miratuar pa vendimin e presidentit, Arta Vorpsin, si anëtare të Gjykatës Kushtetuese.

Pas votimit në Parlament reagoi edhe ambasada amerikane me një postim në “Facebook”. “Votimi i sotëm i Parlamentit çon Shqipërinë përpara në ringritjen e Gjykatës Kushtetuese, një organ jetësor për llogaridhënien dhe ekuilibrat demokratike”, shkruhet në këtë postim.

REAGIMI I PLOTË I AMBASADËS AMERIKANE

Prej votimit unanim të reformës në drejtësi në 2016-ën, institucionet shqiptare, përfshirë edhe organet e reja të pavarura të gjyqësorit, kanë punuar fort për të përmbushur vullnetin e popullit.

Votimi i sotëm i Parlamentit çon Shqipërinë përpara në ringritjen e Gjykatës Kushtetuese, një organ jetësor për llogaridhënien dhe ekuilibrat demokratike.

Shtetet e Bashkuara mbeten të përkushtuara për të mbështetur ngritjen e një sistemi gjyqësor të pavarur dhe të ndershëm në Shqipëri.